Ushqimet më të mira për flokë të shëndetshme

Kur bëhet fjalë për flokët dhe për një shëndet të plotë të flokëve, nevojitet më shumë se sa thjeshtë konsumi i ushqimeve të duhura, shkruan Koha.net.

Po ashtu nevojiten edhe produktet e duhura që ju ndihmojnë të ushqeni flokët tuaj dhe të mbani skalpin në gjendje të mirë. Këtu më poshtë po ju paraqesim disa këshilla për kujdesin e flokëve ku ju mund të mbështeteni.

Produktet për flokë të shëndetshme

Një produkt i përshtatshëm i flokëve është ushqimi më i mirë për flokët tuaj dhe shampot apo kondicionerët me formulat e tyre pa parabenë, ushqen flokët tuaj duke i bërë më të trasha, të forta dhe voluminoze.

Ushqim i pasur me proteinë

Ke pasur parasysh se proteina në thelb përbën shumicën e flokëve tuaj, është e rëndësishme që të konsumoni proteina të mjaftueshme për forcimin dhe trashësinë e flokëve. Mungesa e proteinave në dietën tuaj poashtu mund të shpie në flokë të thata, të brishta dhe të dobëta, gjë që shkakton humbjen e flokëve. Kështu që, sigurohuni që të aplikoni një dietë të duhur duke përfshirë mish pule, peshku, produktet e qumështit, vezët, bishtajoret dhe arrat, ku të gjithë janë të pasur me proteina.

Ushqim i pasur me acide yndyrore omega 3

Acidet yndyrore omega 3 janë yndyrat që trupi ynë nuk mund të funksionojë pa to, gjë që e bën një domosdoshmëri për dietën tonë ushqyese. Ju duhet të konsumoni këto ushqime për rritjen e flokëve si peshq, sardele, avokado, fara të kungullit dhe arra.

Ushqime të pasur me biotin

Biotina është një vitaminë B e tretshme në ujë, mungesa e së cilës mund të shkaktojë flokë të brishtë e deri në rënien e tyre. Konsumi i ushqimeve të pasur me biotin si drithërat, e verdha e vezës, miell soje dhe maja ndihmojnë në forcimin dhe përmirësimin e cilësisë së flokëve.